Que Sabucedo é un lugar moi especial, que vive a Rapa das Bestas como algo que vai alén do puro divertimento, está fóra de toda dúbida. Cando me enterei desta historia, a de como os veciños andaban a procurar as orixes do mito da Rapa das Bestas botando man da arqueoloxía, quixen contala. Poucas veces se dá esa confluencia fermosa entre lenda e ciencia. Aquí vai.

Publicada orixinalmente en culturagalega.org o 5 de xuño de 2013

Estrutura doméstica exhumada na carballeira de A Cabana. Foto: Citania

OS ARQUEóLOGOS ESCAVARON EN SABUCEDO UNA CABANA MEDIEVAL QUE A TRADICIóN SINALA COMO A FAMOSA CASA DAS VELLAS

Na procura do mito orixinal

Moi poucas veces ocorre algo así. A parroquia estradense de Sabucedo, famosa pola súa senlleira Rapa das Bestas, contratou a un equipo de arqueólogos para tentar aproximarse ás orixes lendarias da súa rapa e identificar nunhas ruínas dunha carballeira a mítica Casa das Vellas, un dos escenarios dunha lenda nacida hai cincocentos anos.