A pequena historia dun drone

Os lectores de Capítulo Cero lembrarán a este aparatiño, o Escornacóptero, que nos leva acompañando varios anos nos proxectos. Deunos as primeiras imaxes aéreas de Pena Furada, e tamén unha espectacular perspectiva da entrada da Torre dos Mouros, xa cun prototipo moi evolucionado. Agora, con moitos máis sensores, este drone curtido no toxo galego e desenvolvido para misións científicas de todo tipo no país tivo que emigrar e desenvolve proxectos de altos voos, nunca mellor dito, nun dos mellores grupos de fisioloxía vexetal do mundo, o das Illes Balears, e no Instituto Max Planck de Fisioloxía Molecular en Postdam. Nin o drone nin o seu dono se queixan, porque son duros coma eses toxos, e velaí demostran a súa nobreza. Quen nos deberamos queixar deberamos ser nós, pero ás veces penso que preferimos fozar e refozar no lameiro.