Pois este febreiro é un mes ben arqueolóxico! Convidado pola Asociación de Amigos do Museo Arqueolóxico de San Antón da Coruña, o 4 de marzo, venres, ás 20 horas, no auditorio da Fundación Luís Seoane (San Francisco s/n), impartirei unha conferencia sobre as Repúblicas de Homes Libres. O acceso é libre para quen queira vir. Nesta ocasión incidirei especialmente nas relacións entre estas fortalezas e o mar, especialmente na área da Costa da Morte pero tamén no interior das terras de Soneira, Xallas e Bergantiños.
A casa das historias de Manuel Gago. Desde 2002.
Para aqueles que queiran asistir e non saiban onde está xusto a Fundación Luis Seoane, dicirlles que se atopa na Cidade Vella, a carón do antigo Hospital Militar, cerquiña dos xardíns de San Carlos e a un paso do Castelo de San Antón.
http://www.luisseoanefund.org/fundacionls/gl/comochegar
Graciñas Manuel.
Qué mellor marco para iste evento que o soar da vella Brigantium romana, territorio de Faro,no porto que tamén veu chegar alén das ondas unha arrepiante flota viquinga…
desexando ir! que non se me torza o plan…
Un pracer seguirte Manuel
Despois de bater en varios sitios (Ao pe do Lar), artigos (OSIMGA…), referencias de amigos…, por fin ato cabos e caio na conta de quen “ves sendo”.
Animarte a seguir coa xeira que levas, de certo ben interesante, e máis adiante che falaréi dalgunhas pegadas do pasado pola miña terra (Gosende- Rodís, en Cerceda).
Por certo, xa que non sei se poderéi asistir á conferencia do venres na Luis Seoane (ando por Vigo), rogaría me comentaras se vas andar por estes lares en breve.
Unha aperta e a miña máis sinceira noraboa pola túa achega.
R. Lamas
Grazas, Roberto! É doado saber quen veño sendo. :-)
Entendo que te refires se andarei por Vigo. Si, hai prevista unha mesa redonda en maio en Mos, pero só falarei dunha área moi concreta das Repúblicas de Homes Libres, e pouquiño tempo, que somos catro ou cinco na mesa. :-) Se me chama algunha asociación cultural máis da zona eu irei encantado.
Alí estarei, xa tiña ganas de ir a algunha conferencia tua.
Por certo, tesme en ascuas co dos posibles restos de Corentia.
Saudos
Eu tamén estou en ascuas. Xa che adianto que pode haber máis cousas nas proximidades. E que apareceu unha interesante pedra convertida nun dintel dunha casa. Grazas por ires á conferencia!
Un coruñés no exilio que non vai poder ir…
Cabe a posibilidade de colgar o vídeo como fas con outras conferencias túas?
Disfrutei moito Manuel,
moitas gracias por achegarte polo norte,
por certo, teño algúns capítulos dun programa
da televisión britanica que se chama Time Team,
non sei se o coñeces.
Se che interesa xa sabes.
Saudos
Gustoume, por fin me enterei de onde vén este interese teu polos Lordomani! e de onde os quitaches que me tiña en ascuas!.
Encantaríame ler máis de vagar os textos que nos puxeches na conferencia, é posible que os colgues ou que deas as referencias?.
E como non, cada vez que abra un mapa dunha zona hei tentar ver se dou con esas relacións toponímicas dos “castelos”. Ah! tes algunha relación feita ou pensada entre castelo/parroquia?, non sei se alguén cho preguntou na conferencia porque esa parte non fun quen de escoitala! para a próxima levo o “sonotone”.
O dito encantada!
Moitas grazas!
Luis, non gravei, non. Mágoa que non puideras vir!
Sergio, coñezo ben a serie do Time Team. De feito, estou preparando un post sobre cousas desas. É unha marabilla.
Mónica, grazas a ti por vires. Eu non atopei por agora unha relación evidente entre castelo e parroquia, habería que miralo en detalle. Pero sospeito que non debe haber un vínculo demasiado directo en moitos casos.