O dito. O venres, 17 de setembro, de 20 a 21 horas, impartiremos a conferencia Repúblicas de Homes Libres: fortificacións e atalaias entre o final do Imperio Romano e a Alta Idade Media. Será no Café Moderno (Fundación Caixa Galicia), dentro do ciclo de charlas coas que o equipo de investigación de A Lanzada transmitirá na cidade a época e os achados deste verán.
Quen xa teña ido á conferencia en Noalla (Sanxenxo) ou visto o vídeo, atopará nesta charla de Pontevedra moitos puntos en común coa anterior, pero non todos. En Pontevedra faremos máis fincapé na época tardorromana e falaremos de interesantes fortificacións próximas á cidade, achegando algúns datos e puntos de vista novos con respecto á anterior, motivados en certo xeito pola análise de xacementos da mesma época durante a miña recente viaxe a Sicilia.
Bos días e parabéns pola serie. Sería de proveito para os que non podemos asistir ás charlas que colgases en algún lado ó arquivo da presentación porque nos vídeos non se ve nadiña. Grazas.
Recuncaremos.
Tentarei ir.
Por certo, Don Manuel, xa que andará por Pontevedra, vaia algún día polo Castelo de Cedofeita, dominando as marismas de Alba, a carón do Lérez. Non hai que pisar moito toxo. Eu fun hai xa unha chea de anos, e lembro cousas interesantes. Mesmo un paisano me contou unha historia dunha moura engadadora.
Eu dígoche o mesmo que O’Padín, que te achegues se podes ata o que queda das ruinas do castelo de Cedofeita, hai cousa dun mes fun por alí, e tan só custa un pouco chegar ata alí na última parte, xusto ao carón do castelo. Eu irei encantado a escoitar a conferencia. Un saúdo
Teño que ir, teño que ir. Estou estes días percorrendo a área de Pontevedra para engadir algúns elementos personalizados para a conferencia. Ía ir onte pero complicousenos tanto un castelo en Tenorio que non nos deu tempo a pasar por aló.