Porta da igrexa de Vilar de Donas. Fotos: Xurxo e Manuel Gago
Como todas as grandes obras de arte, a igrexa románica de Vilar de Donas, en Palas de Rei, na beira do Camiño de Santiago, ten múltiples lecturas. Sempre que a visito detéñome nun elemento diferente. A antiquísima heráldica dos Señores da Ulloa, a miniatura do Castelo de Pambre no baldaquino, as mitoloxías dos capiteis e do pórtico, os restos do mosteiro…Desta volta, busquei na igrexa os restos da herdanza feminina do seu pasado. Vilar de Donas foi fundado orixinalmente como mosteiro para mulleres, e quixen buscar as trazas do seu leigado entre as capas de historia do seu interior. Non de xeito científico e metódico, enténdase: ocorreuseme buscar, dentro da amplitude de representacións, ás donas que aparecen dentro dunha igrexa.
A verdade é que aínda que as monxas deixaron o convento hai moitos centos de anos, e que outras ordes relixiosas viñeron despois, un atópase no interior cunha enorme presenza da muller, como se aquí a historia do cristianismo e da Idade Media se reescribira con outras claves. Atopei unha fermosa sucesión de fermosas representacións da figura feminina*, especialmente concentradas arredor do ábside central, co tema central da Anunciación. Algunhas delas, posiblemente as máis elegantes e fermosas da arte da nosa Idade Media; este tesouro está aquí:
María de Aragón e Xoán II
Xunto con outras curiosas representacións máis populares:
Contidos relacionados
As obras da autovía Santiago-Lugo desvelan unha singular estrutura arqueolóxica
Monsanto: o granito do tempo
Cidades e tumbas baixo a area do Barbanza
Uclés, un mosteiro cunha tráxica historia recente
A capela de Rosslyn
Os castelos dentro do castelo: o orixinal sistema defensivo en tramos do Castelo do Sobroso
En realidade, cando estes frescos foron pintados, na década de 1430, as monxas abandonaran había moito o mosteiro. Pero gústame soñar cunha liña de leigados que mantivo vinculada a igrexa ás súas primeiras propietarias, aristócratas das antigas familias nobles da Ulloa.
Hola^^ Vilardedoninos jajaja!
Pues yo la pequeña da casa taberna conozco bien esto aunque a veces me aburre tanta historia eso me encanta!¡
Oye haber cuando acabais la piscina do ferradal que ya es hora: ) despues decir que pa la fiesta voy como siempre = )
Haber si dais mas regalos que sois racanos jaja!¡
Que despues de leer esto algunos me van a echar la bronca!
A la pues yo Jessica Garcia Goncalves la sobrina de (cubano) Antonio Garcia de casa taberna asi que si me quereis decir algo a la a echar la bronca ami tio.
Besos! MuaK
CamoiRa eL proXimo dia te voy a ir a despertar a las 3 de la noche