Moito disfrutei estes días do Latitud 40, un monovarietal de graciano que elabora na estepa toledana Carmen López. Realmente, unha das delicias da modernización dos viños en todo o Estado nos últimos anos é o “atrevemento” de apostar por variedades que ata agora eran consideradas -inxustamente- só con dignidade para complementar viños feitos maioritariamente con uvas máis nobles. Este viño contén toda a diferenciación que se pode observar nos viños biodinámicos, diferenciados do gusto máis comercial, e sen embargo, é o típico viño que triunfaría nunha mesa diversa.
Hai que deixalo abrirse, así que eu recomendaría un decantador e deixalo quince ou vinte minutos de repouso aberto antes de iniciar o seu servizo. A partir de aí, apreciaranse os seus matices máis frutais e unha moi agradable -e incrible, para o sitio no que se cultiva- acidez que facilita o seu consumo cun gran espectro de alimentos. Só hai tres mil botellas. A min chegoume a partir do excelente Club Vignerons de Bodeboca.
Be First to Comment