A Torre dos Mouros, protagonista do Entruido de Lira

Last updated on 10 / Febreiro/ 2013

A Torre dos Mouros é o protagonista do “Entruido” (a variante local do Entroido) de Lira, en Carnota. Aquí vemos o leit motiv do Entroido lirense, promovido pola dinámica Asociación Canle de Lira: a Torre dos Mouros con Asterix e Obelix, asediada polos romanos; dito de forma pedante, a comunidade local volve incorporar a Torre dos Mouros como parte do seu imaxinario, unha marabilla. A cuestión é que os defensores da Torre dos Mouros van de medievais, nunha curiosa paradoxa espazo temporal tan propia do Entroido. Viva a Torre dos Mouros, viva Lira e viva o Entroido!