Xa vedes que esta fin de semana vén cargadiña de actividades na Torre dos Mouros. Ademáis da conferencia sobre piratas que temos hoxe venres ás 20:30 no Pub O Pirata de Caldebarcos, o sábado contamos con outra, tamén ás 20.30 h., no Bar Illa (Lira).
“Que fai un castrexo coma ti nun sitio coma este?” é o título da charla que impartirá o arqueólogo do INCIPIT Alfredo González Ruibal no bar Illa (Lira). Alfredo González é un dos científicos máis notables no estudo da Idade do Ferro en Galicia, e autor dunha das mellores sínteses sobre a época, a súa tese de doutoramento Galaicos: poder y comunidad en el Noroeste de la Península Ibérica (1200 a.C. – 50 d.C.). A charla que nos vai dar vai ser sumamente interesante: distanciado da visión tópica e sempre repetida sobre o mundo galaico, Alfredo vainos levar por todo o que non sabemos explicar ao redor da cultura castrexa: aquelo que se separa do patrón común e que nos suxire unha maior diversidade e amplitude de miras para ollar esa época. Asegúrovos que será fascinante.
Be First to Comment