O Grupo de Acción Costeira 4 organiza a segunda edición de Cómete o Mar, Tempada gastronómica mariñeira de Mar Galaica. Trátase dunha iniciativa interesante. Son restaurantes repartidos no litoral entre Fisterra e Porto do Son, que nas fins de semana de entre o 28 de outubro e o 4 de decembro ofrecen menús especiais de produto mariño entre 25 e 35 euros, centrados nos produtos do mar. Pero ademáis, compleméntase con obradoiros que ofrecen catro dos establecementos, que inclúen visitas a portos, cetáreas e litoral para coñecer o ‘antes’ do menú, a selección e distinción de produtos, desde algas ata moluscos ou polbo. Neste folleto en PDF tedes toda a información.
Propostas así non se poden desbotar, abren o apetito e din moito a favor dos empresarios con inquedanzas. Saúdos.
Certamente, creo que o tema é interesante. Creo que a idea de gastronomía mariñeira ten moitísimo potencial: está o produto, a base, e falta entre outras cousas a idea dun novo “branding” de toda esta historia. Este tipo de accións son un bo comezo.
Anque ben sei que hai que sumar, que é pouco o que temos e hai que axudar todos, sigo sen entender o sentido desta diglosia, nin rendible, nin intelixente.
A web margalaica.net vai en catelán, non hai a opción de escolla de idioma, non inglés, non galego, p.e.,
O resultado son estas combinacións tan rancias: “¡Bienvenida/o! Estás en Mar Galaica. Turismo Mariñeiro.” ou “Con el título de “Cómete o Mar”, Mar Galaica estrenará temporada gastronómica “mariñeira”.”
Polo demais, que a providencia forre os noso petos con forros de cores verdes e lilas e protexa as nosas papilas gustativas, glándulas pituitarias e ás meniñas dos ollos libre de todo mal porque promete, si que promete.
Noraboa.
E esse “Cómete” nom é mui galego, é um decalque do castelhano, língua em que o verbo “comer”, com essa acepçom, é reflexivo (mas nom assim em galego). Perdom por estes complexos de linguista estresado hehehe.
Ten toda a pinta de a web ser feita para a campaña de verán, ou algo así. Sen embargo, este folleto vai en galego. En todas estas cousas aínda hai moito que avanzar.
Esta campaña de “Cómete o Mar” supoño que será para asustar á xente para que non se bañe no verán, ou para que os mariñeiros non saian faenar, non? Ese lema, outro sentido non ten! O desleixo lingüístico da Xunta de Galicia na comunicación e publicidade é tremendo!