Un…dous…tres…gravando!

O Hexacopter XL que vos presentei a finais de xullo, montado polo meu irmán Xurxo e que participará en diferentes proxectos de AXENA e Capítulo Cero, xa vai dando un paso máis. Aquí o podedes ver xa gravando vídeo en alta definición con bastante estabilidade. Agora hai que incorporarlle sensores de posición e sensores GPS que nos permitan programar os vóos. Tamén veremos como se pode incorporar unha cámara cenital para tirar o máximo partido a cada saída do bichobótico este.