A fervenza do Ézaro. Foto: Sole
A importancia de Internet e da colaboración entre usuarios para contruír coñecemento entre todos está fóra de toda dúbida: é consustancial á propia existencia de Internet. O outro día vivimos aquí no blog unha interesantísima secuencia de información que nos permite perfilar e aprender. Foi no post Unha fervenza como esperanza, no que publicaba un panorama da fervenza do Ézaro, por fin con caudal ceibado todo o ano. Ubaldo Cerqueiro, de Que pasa na costa, achegábanos un valioso dato: o caudal que estabamos vendo na fervenza só era o caudal ecolóxico, ou sexa, o 10% do total do caudal deste monumento natural. Fiquei abraiado. Como sería a fervenza do Ézaro cun caudal entón superior ao 10%, como sería este monumento natural antes de ser privatizado?
Pois se cadra algo así, como o que ides ver. A foto remitiuma Toño Liñares, a quen lle agradezo a colaboración.
Poucas palabras hai para isto. Unha marabilla.
Por certo, que alucinantes as probas de barranquismo que se fixeron o outro día na Fervenza, e que publica Que pasa na costa. Que medo!
http://www.quepasanacosta.com/?p=7477
E para que vexades que o dato o aporta a propia empresa que explota hidroeléctricamente o río, Electra del Jallas, aí tendes as palabras do seu director, Carlos Oliete:
“A repercusión económica á produción hidroeléctrica pode rondar o 10%, como nos conta Oliete, unha vez que “o caudal de recente é o 10% do caudal medio do río, polo tanto deixaremos de turbinar o 10% do auga do río”.
Toda a entrevista: http://www.quepasanacosta.com/?p=5536
Aqui vese a fervenza ó seu nivel natural:
http://www.youtube.com/watch?v=1hHsjgj7wb4&feature=related
unha vergoña, un patrimonio de todos hipotecado de por vida e ofrecida ao respetable como esmola.
non penso que nin “eléctrica del jallas” nin o pobo teñan beneficio algún se a fervenza non é tal