Música moi física

Este grupo brasileiro chámase A banda mais bonita da cidade. A música é destas que te animan o día de xeito radical, si ou si, aínda que te deixan un puntiño nostálxico tamén. Pero o que me chamou a atención é unha proba máis de como antigas barreiras ‘formais’ xa non importan: o cantante camiña pola casa co seu micro de man, gravando a súa voz, e parte da delicia do videoclip é esa percepción física dos espazos sonoros polos que pasa o cantante, o corredor, as escadas, a habitación.