Desde hai un par de anos sigo o elegante blog de Rubén Pérez: El espejo que huye. A súa estrutura é tan sinxela en apariencia como densa e sofisticada no seu fondo: acompañar fotografías de viaxes con citas de grandes textos de viaxes da literatura do xénero. Rubén Pérez fai dialogar as súas fotografías -nas que sobrancean texturas, clarescuros, suxestións, arquitecturas, todo limpo, detallado, evocador- cos parágrafos dos grandes escritores sobre os territorios. Neste blog non hai información de servizos sobre os destinos: cada terra é un anaco de pensamento e de emoción. Simplemente iso. Tanto coma iso.
Be First to Comment