Fontal Crianza 2005: gran relación calidade-prezo

Cando un proba o Fontal Crianza 2005 (4,90 euros no súper!!), un decátase de que hai cousas que non son normais no mundo do viño. Porque este viño D.O. La Mancha é excelente, moito mellor que viños con máis aires e prezos que o triplican ou cuadriplican. Saboroso, goloso, cun bo equilibrio entre a madeira e a froita madura. As Bodegas Fontana son unha das empresas máis regulares e cun maior compromiso coa calidade das que coñezo en Castela A Mancha, e este Fontal Crianza é un exemplo de como se pode ser honesto co peto dos consumidores e coa propia elaboración coidada e precisa dun caldo. Próbao e xa me contarás.