O outro día presentamos en Santiago o proxecto Vento e Chuvia. Agora é o momento de xa presentar o libro, e sobre todo, achegar algo distinto á presentación do outro día: o apaixonante proceso de traballo a nivel conceptual, narrativo e gráfico que está detrás de Vento e Chuvia. A idea é explicarvos a nacenza, o tecido dalgunhas das historias, ver o seu río e a súa desembocadura. Sole Felloza axudaranos narrando algunha delas. Será este venres 22 ás 20:00 na Libraría Couceiro, na cidade vella de Compostela. Alí nos vemos!
A casa das historias de Manuel Gago. Desde 2002.
Noroboa….. menuda presentación… menudo traballo… menudo equipo..parabéns de verdade.
Unha pregunta. Coñecedes en Corme un sitio chamado a Capela dos Mouros? Está situadoo o fondo da ría de Corme….
Miguel Gutiérrez
Riotorto
Grazas, Miguel. Esa Capela dos Mouros pode ser a da Illa da Estrela, ou de algona praia en fronte da Illa da Estrela?
Si efectivamente un monte enfronte da Illa. Dígoche pq lle comentei o da Torre dos Mouros a un compañeiro meu que é de Corme. E enseguida me saíu co da Capela dos Mouros….. Imaxino que estará referenciando unha mámoa ou algún outro monumento megalítico… mais tarde cristianizado.
Saúdos
Miguel, o topónimo está posiblemente vinculado a que na Illa da Estrela houbo unha capela antiga da que aínda se ven as bases.
Son dos temas distintos. Por un lado a Ermida da Illa da Estrela e por outro a Capela do Mouro. Esta capela desaparecu fai moito tempo. O sitio está nun monte preto da Illa cunha vistas boas sobre toda a ría e ten ao seu redor lendas …. envíoche por mail un plano de situación aproximado
Saúdos
Grazas, Miguel!