A nova campaña publicitaria de Galicia, Gárdasme un segredo?, presentada onte na Coruña xa está accesible. Este vídeo é a versión longa e en galego do spot. Unha primeira impresión permite ver que a campaña continúa incidindo en determinados valores que xa estaban presentes nos últimos anos nas campañas de Turgalicia, como en Galicia, destino atlántico (2007).
Pero hai un detalle que vén ao pelo de algo sobre o que escribirei nas vindeiras semanas. Na nova campaña é a primeira vez que aparece (segundo 12 e segundo 18) unha paisaxe dos chans das serras galegas. Alégrome de que por fin as paisaxes dunha boa parte do territorio do país comecen a incorporarse como parte do referente identitario. Xa era hora tamén.
Contidos relacionados
As obras da autovía Santiago-Lugo desvelan unha singular estrutura arqueolóxica
Volven as Repúblicas de Homes Libres: O Castelo da Fin da Terra
De cando os mouros deron de comer aos desherdados do Barbanza
Unha conversa frustrada coa Pedra que Fala
Turismo de congresos en Euskadi
Volver aos Chaos do Amoeiro
A imaxe do segundo 18, ou moito me equivoco, ou é A Capelada :). Supoño que aproveitaron que andaban sacando imaxes de San Andrés de Teixido e as vistas dende a Garita da Herbeira que tamén saen. A do 12 xa non che estou seguro.
Tampouco é que se mataran. Sígueme faltando moito val, monte e montaña, incluso para os que somos de vilas mariñeiras.
Son, en efecto, as terras da capelada, sempre cunha capela (non pode faltar) polo medio. Escocia no imaxinario céltico.
Hoy es un día de estreno y por ello nos felicitamos e invitamos a tod@s a descubrir una tierra repleta de tradición y recursos turísticos. Un saludo desde Turgalicia (www.turgalicia.es)
Por iso quero chamar a atención, porque é unha paisaxe tan ausente que revela, evidentemente, unha determinada relación con ela. En canto poida escribirei algo máis delongado sobre isto.
Como sexa a túa análise como a de Fran P. Lorenzo, a algún vanlle sangrar os ollos: http://unpaisenlata.wordpress.com/2010/12/18/%C2%BFme-guardas-el-secreto-ou-o-delirio-mental-como-marca-turistica-de-galicia/
;-)
Canto me gusta este post e a reflexión que leva aparellada. Por certo, as imaxes do segundo 14 parecen da serra do Barbanza, non?
Eu creo, como indican previamente Pancho e Arume, que deben ser da Capelada, cando vas para Santo Andrés de Teixido. Pero podería ser o Barbanza, sen dúbida.
Do 15 para diante sen dúbida, claro, pero esas de antes, a primeira vez que o vin, suxeríranme a zona dos altos entre o Iroite e a Curota, ou ben o Xistral.
Agora decátome de que as imaxes van todas seguidas e de que si, probablemente sexan todas da Capelada. De feito, mesmo as imaxes do segundo 25 parecen a perspectiva da ría de Ortigueira ao baixar da Capelada para Cariño, aínda que isto é moito aventurar.
Espero con ansia o post sobre os chans.