A Illa de Ons por Staffan Mörling
9 / Xullo/ 2010 8 comentarios
Este vídeo, que me amablemente David me posteou nos comentarios do último das Repúblicas de Homes Libres, permite comprender a experiencia do antropólogo Staffan Mörling no estudo etnográfico da Illa de Ons, onde foi a investigar nos anos 70 e rematou por casar. Contén unhas fermosas imaxes de Ons naquela época (un luxo) e a descrición precisa, emocionada e contida que fai Mörling da vida na illa. O vídeo está realizado por Diego Torres a partir das imaxes do irmán de Mörling e a entrevista que se lle fixo ao antropólogo.
É unha marabilla.
Yo me iba a vivir allí….
Precioso.
Xa o vira no seu momento a través da web da Federación Galega pola Cultura Marítima e Fluvial http://www.culturamaritima.org/
Se non me equivoco, creo que o dorneiro é o propio sogro de Mörling. Impresionante a pericia e facilidade coa que manexa a dorna nese mar fóra da ría(unha embarcación que require moitos anos de mar para sabela levar así), e nada menos que vestido de domingo… como se tal cousa!
Unha marabilla,si.
Corríxome e confirmo o dito: efectivamente é o sogro de Mörling. El mesmo o di. (Cousas de ver o video sen audio e da miña mala memoria…)
pois si que gostei da «emoción contida» e do dexotismo de escoitar falar das Ons con este acento peculiar
Logo de tantos verans acampando en Camaguey (lease Melide), emocioneime de ver as illas cultivadas e a xente vivindo nela.
E como dixo Moncho Angueria antes, resaltando o «protagonista» desde fermoso documental, «nada menos que vestido de domingo… como se tal cousa». Asi é a xente mariñeira, doutra caste moi diferente dos que somos de terra.
Era unha parte desa paisaxe que non se pode perder…
Facia a un sentir unhas proporcións…sua pequenez, a pequenez dun, miña pequenez…
Pura poesía. Grazas.
[...] Capitulo0 [...]