Día: 12 Abril, 2010


Fotos: Sole

Aí está o Bico do Castelo Grande [localización], en Esteiro (Muros) para complicarnos algo máis as cousas. Abre novos desafíos e novos retos. E é un lugar algo perigoso para explorar, no sentido físico do termo. Se alguén paseara por alí sen estar disposto a arriscarse choutando entre penedos, deslizándose entre fisgas, amarrado entre pedras e precipicios, posiblemente non verá nada. Os tesouros deste lugar -as evidencias de que esta cresta granítica foi ocupada militarmente- están agochados. E hai que estar disposto -de xeito físico- a atopalos. Aquí cho conto.