O estereotipo do carniceiro é o do home bruto e brusco. Este vídeo é un fermoso revulsivo, unha boa peza para amosar como se pode abordar de xeito limpo e delicado unha tarefa que non se adoita ensinar. Non hai máis que ver esta pequena peza audiovisual, The Pig & The Butcher, na que o carniceiro Vadim Akimenko despeza un porco con coidado e precisión, amando o seu traballo. Só ficou un quilo de carne sobrante de todo este traballo. Todo un sinal de respecto a estes animais que nos alimentan.
Xa sei que isto é moi OT, pero este programa vai nesa liña e é moi instrutivo: http://www.bbc.co.uk/programmes/b00p1l1q (btw, o Young Chef of the Year tampouco estivo mal, pero non á altura do dos carniceiros novos).
Nin máis nin menos que o que se fai en milleiros de casas do noso país. Sen baladas folk de fondo e sen garavata, claro.
Lástima que non haxa ninguén para filmalo con tanta elegancia (ou polo menos, ninguén que eu teña visto).