Coas nosas mans, Premio Nacional de Periodismo Álvaro Cunqueiro á mellor web gastronómica

23 / January/ 2009

in Diario


“Esta é a miña máquina”, unha das historias de Coas Nosas Mans. Podes vela aquí.

Estamos que nos saímos. Coas Nosas Mans, o sitio web que realizamos desde o Grupo de Novos Medios da USC, cun equipo integrado por alumnos das titulacións de Xornalismo e Comunicación Audiovisual dirixidos polos profesores Xavier Vaz e eu mesmo para o Fórum Gastronómico, acaba de gañar o áccesit a mellor web gastronómica no XV Premio Nacional de Periodismo Gastronómico Álvaro Cunqueiro que convoca o concello de Lalín. O proxecto foi realizado co apoio da Fundación Dieta Atlántica da Universidade de Santiago e o Fórum Gastronómico de Santiago.

Coas nosas mans
é unha gran reportaxe multimedia sobre o pasado, o presente e o futuro do cerne da nosa gastronomía: os alimentos. Cos alumnos, percorremos moitos quilómetros retratando aos produtores e transformadores dos alimentos do noso país, amosando a íntima relación da nosa cultura coa orixe natural dos nosos mellores produtos alimentarios.

Quero darlle as grazas a Eloi, Rocío, Vanesa, Silvia, Mónica, Elena, Andreia, David, Eloy, Jabi, Juan, Roy, Samuel, Víctor, a Xosé Cannas, a Sole, a Xabi Vaz, a Pep Palau e Jaume Von Arendt, a Turismo de Santiago, á Facultade de CC. da Comunicación e a todos os patrocinadores do proxecto por crer en nós, por todas as horas e ilusión investidas en este proxecto, e tamén ao xurado por elexirnos como mellor web gastronómica.

{ 8 comments… read them below or add one }

Andreia 23 / January/ 2009 at 8:14 pm

Non se merecen. Creo que non puidemos buscar un nome mellor para o proxecto.

Noraboa a todos!!!!

Miguel Vila (Colineta) 23 / January/ 2009 at 8:23 pm

Parabéns

Gourmetdeprovincias 23 / January/ 2009 at 9:54 pm

Poucas veces un premio foi tan merecido como cando se conxugan aprendizaxe, pasión polo que se fai e traballo ben feito.

Parabéns a todos!

césar 23 / January/ 2009 at 10:24 pm

É unha nova fantástica e moi merecida polo expléndido traballo

Parabéns

antonio 23 / January/ 2009 at 11:45 pm

Parabéns!

burelao 24 / January/ 2009 at 5:12 pm

Gracias a ti por todo Manolo!!!
O premio foi facelo e, agora, mel sobre filloas!

Gracias compañeiros!

PabloV 24 / January/ 2009 at 11:55 pm

fantástico traballo, rapaces, (so botei en falta un pouco mellor mellor son)

que tal utilizar este formato para unha serie ala “Galicia para el mundo”?

Nico 27 / January/ 2009 at 12:09 am

Alégrome de que polo menos algún dos premios deste ano sexan xustos, xa que o primeiro premio vai para un libro editado polo propio Concello de Lalín con certo tufillo a tongo.

Deixa un comentario

Previous post: Roteiros: explora Galicia en clave cultural

Next post: Cidade ás escuras