Hoxe lanzamos o novo deseño da páxina de inicio de culturagalega.org. Nesta nova proposta, ademáis de mellorar a lectura e a decodificación do contido nas súas diferentes áreas, hai algúns cambios moi interesantes. A portada está agora estruturada en módulos, que se irán ampliando con novas funcionalidades e contidos nos vindeiros meses, baixo a premisa de facilitar a personalización da inxente cantidade de contido de culturagalega.org por parte dos usuarios, aplicar filtros de intelixencia social e aproximarse o máximo posíbel aos seus propios intereses culturais.
Na portada case desaparece a interface de navegación, que é contextual, orientada a manifestarse só nas áreas vinculadas do contido a esta, pensada para que sexan suxestións de navegación, orientadas a un usuario de navegación moi rápida e googlelizada. A portada é un fragmento de tempo, na nova idea de culturagalega.org. É o Agora, continuamente cambiante, con contidos informativos potenciados e ricos. Baixo as noticias, os internautas poden observar o fluxo continuo de introdución de contidos en culturagalega.org, entrando en portada de xeito semiautomático. O Antes son as buscas, máis rápidas, completas,e en moitos medios, non só nós, reflectindo un uso habitual de culturagalega.org como banco de datos de referencia. E o Despois é unha axenda potenciada. Facemos unha mudanza para pasar de portal a plataforma de contidos para os usuarios que viven ou queren vivir ou poden vivir a lingua e cultura galegas. En xeral, estou moi satisfeito do deseño, concebido na súa parte conceptual por toda a redacción e liderado a nivel gráfico por Miguel Alonso. Aquí pódense consultar máis detalles.
Contidos relacionados
As obras da autovía Santiago-Lugo desvelan unha singular estrutura arqueolóxica
O redeseño de MSNBC e a fin das páxinas vistas
Volven as Repúblicas de Homes Libres: O Castelo da Fin da Terra
O couto que marcan as sombras
Ecozoo, unha marabilla de imaxinación en web
O partido socialista francés, en “beta”
alégrame moito ver o novo deseño que eu creo que era unha necesidade no portal…e eso que a “pel” anterior foi un referente para min na web galega.
Noraboa polo novo deseño! Eu tamén coincido en que era unha necesidade no portal.
Magnífico o redeseño. Parabéns!
Moi útil e acorde cos cibertempos que corren ;) Gústame moito, gran traballo!
gústame. sobre todo, o concepto temporal e a axenda. noraboa.
pero… anticipando desculpas pola miña atrevida ignorancia… a que te refires con que “aplica filtros de intelixencia social”?
saúdos!
Moitas grazas a todos!
Rubén, aplicará, non aplica. Basicamente a premisa é abrir novas vías de lectura e extracción das enormes cantidades de contido de culturagalega.org a partir da interacción, o uso e a cooperación dos usuarios. Non che podo dicir moito máis porque aínda desenvolvendo os modelos.
ok, ok, :). xa veremos en qué dá a cousa, :D.
unha aperta.
Quedou moi chula, pero xuraría que esa combinación laranxa/marrón de cabeceira xa a vin antes nalgún sitio…
Eu en moitos, coma o resto de combinacións que probamos. Éche a desgraza de Internet: sempre hai un sitio que se parece ao teu. :-)