Last updated on 12 / Abril/ 2008
Ho-Yeol Ryu. Airport, 2005
Reiner Riedler. Unter Palmen, 2005.
Thomas Struth. Audience 1. Florencia, 2004
Mira esta terceira foto. Son turistas. Si e non. Segundo Thomas Struth, o fotógrafo, son audiencia. Imaxina que as cidades turísticas son medios. As viaxes, coa caída dos custes das viaxes aéreas, son o novo entretemento popular, que ten as súas propias prácticas, como as vastas coleccións da fotografía dixital. “As fotografías dos turistas serven, sobre todo, para a confirmación, e non para o descubrimento”, afirma Peter Osborne. Esta afirmación parece presidir a interesantísima exposición All Inclusive. A Tourist World, que se pode ver no Schirn Kuntshalle de Frankfurt ata o 4 de maio. Con obras de Michael Elmgreem,Ingar Dragset, Tracey Moffatt ou Santiago Sierra, a mostra ofrece interpretacións documentais, parodias, desfamilizacións de motivos turísticos ou a súa recreación.Pódese ver unha galería aquí.
O turismo está a converterse nas últimas décadas, pero especialmente con este inicio de século, unha acción de masas como o foi no seu momento a televisión, que pouco a pouco está disolvendo as súas audiencias millonarias en micronichos de canles por cabo ou IP; as liñas de baixo custe son o soporte, a canle, e as cidades convértense en medios cunha programación, co seu primetime xeográfico de espectacularidades construídas pensadas para competir entre unha ampla oferta (o Guggenheim, a Cidade da Cultura); como na televisión de masas, estes medios aínda perviven cos seus redutos de madrugada, distanciados do circuito convencional. Falaremos dalgunhas cidades como falamos de La 2. E falaremos doutras como de Tele 5.
Be First to Comment