Dispositivo para análise da atención do lector empregado no Eyetrack’07

Sarah Quinn e Peggie Stark, do Poynter Institute, avanzaron en Washington os resultados do Eyetrack’07, o estudo que tenta determinar como os usuarios len na web e, tamén nesta edición, nos medios impresos. Cinco achados claves:

-A xente le máis na web. Os lectores len un porcentaxe máis grande do texto dunha noticia na web (77%), que no papel. E dentro do papel, le máis nos xornais formato saba (62%) que nos tabloides (57%).
-Hai dúas pautas de lectura, métodica ou de escáner. No papel, un 75% dos usuarios son metódicos, e na web a porcentaxe baixa a un 50%. Pero tanto os que seguen unha pauta como a outra, len a mesma cantidade de texto.
-Os formatos alternativos de representación da información axudan aos lectores a entender . Formatos como a entrevista, as listas, axudan a incrementar a atención do usuario ata un 15%.
-En prensa, as grandes fotos e titulares atraen a atención no usuario. Pero, curiosamente, na web, funcionan como principais condutores da atención elementos direccionais como barras de navegación, columnas de titulares, ladiños.
-As fotos que funcionan en prensa son aquelas “documentais”, nas que o protagonista realiza accións, en comparación cos posados ou as fotos de estudo.

Ver texto, vídeo e un documento coas principais conclusións.

Temos falado anteriormente sobre o Eyetrack, que era unha ferramenta básica para desvelar o comportamento dos usuarios fronte a un sitio web. O que me resulta especialmente interesante do Eyetrack é como amosa de xeito interesante os nosos mecanismos de percepción, amosando como funciona a nosa forma de comprender o mundo e analizar o que acontece diante dos nosos ollos. Aquí podemos ver un divertido caso práctico do seu uso, neste anuncio de Martini: