Probei o outro d\u00eda no restaurante El Mercadito esta marabilla que, se tes posibilidade, non te podes perder. O Goliardo Ca\u00ed\u00f1o 2006, da adega Forja del Saln\u00e9s. \u00c9 un tinto do mar, feito con uvas de ca\u00ed\u00f1o, esa variedade antiga e tradicional do pa\u00eds, nun vi\u00f1edo inmediato \u00e1 r\u00eda. O ca\u00ed\u00f1o \u00e9 esa uva de dif\u00edcil coidado que foi base de tantos vi\u00f1os que probamos en cunca, nas xerras dos nosos av\u00f3s ou doutros veci\u00f1os nas aldeas da costa. O monocultivo de albari\u00f1o no Saln\u00e9s levou con el todas estas variedades que son o noso grande patrimonio vin\u00edcola: quedaran relegadas ao profundo da memoria (non \u00e9 un mal sitio, con todo, cando volven tam\u00e9n nos chegan al\u00e1 dentro). Agora, neste interesante proxecto que \u00e9 a Forja del Saln\u00e9s, o mago Ra\u00fal P\u00e9rez trae o ca\u00ed\u00f1o \u00e1 modernidade, respectando toda a s\u00faa esencia. En copa, o Goliardo Ca\u00ed\u00f1o \u00e9 moi fino, ten moi pouca estrutura, parece un pinot noir: estamos tan acostumados aos vi\u00f1os concentrados que nos impuxo a moda de Parker que inconscientemente, agardamos pouco dun caldo que non te\u00f1a unha estrutura t\u00e1nica concentrada. <\/p>\n
Pero o Goliardo ca\u00ed\u00f1o non: b\u00e9belo e \u00e9 tan diferente, est\u00e1 tan ben constru\u00eddo, que inmediatamente te namoras del, mentres sabes que est\u00e1s bebendo con sorpresa a t\u00faa propia memoria da R\u00eda. Xunto \u00e1 froita vermella, o que m\u00e1is sorprende \u00e9 ese gusto bals\u00e1mico, a eucalipto das R\u00edas Baixas, que te acompa\u00f1a todo o cami\u00f1o. A variedade, antiga, est\u00e1 al\u00ed actualizada, preparada para paladares modernos que queren fuxir da tiran\u00eda Parker e mirar como o Oc\u00e9ano pode dar bos tintos. Unha aut\u00e9ntica xoia. <\/p>\n
Xa te\u00f1o moitas ga\u00f1as de probar o outro tinto da Forja del Saln\u00e9s, o Goliardo Loureiro, pero seica coma con este, hai moi poucas botellas. A ver se dou con algunha. <\/p>\n","protected":false},"excerpt":{"rendered":"
Probei o outro d\u00eda no restaurante El Mercadito esta marabilla que, se tes posibilidade, non…<\/p>\n