{"id":4002,"date":"2008-02-01T00:35:13","date_gmt":"2008-01-31T22:35:13","guid":{"rendered":"http:\/\/www.manuelgago.org\/blog\/index.php\/2008\/02\/01\/un-claustro-espido-no-bon-xesus-de-trandeiras\/"},"modified":"2008-02-01T00:41:02","modified_gmt":"2008-01-31T22:41:02","slug":"un-claustro-espido-no-bon-xesus-de-trandeiras","status":"publish","type":"post","link":"https:\/\/www.manuelgago.org\/blog\/2008\/02\/01\/un-claustro-espido-no-bon-xesus-de-trandeiras\/","title":{"rendered":"Un claustro espido no Bon Xes\u00fas de Trandeiras"},"content":{"rendered":"

\"trandeiras_1.jpg\"<\/p>\n

\"trandeiras_2.jpg\"
\nFotos: Sole<\/a><\/em><\/p>\n

Suaves outeiros rodean \u00e1 chaira na que antes estaba a lagoa de Antela, na Limia. No outeiros do Leste, hai unha sucesi\u00f3n de capas hist\u00f3ricas, moitas delas sen catalogar, esquencidas no alto dos montes. \u00c9 parar, e no alto de cada lomba ves trazas de antigas murallas e asentamentos. Pero tam\u00e9n hai un mosteiro, o Bon Xes\u00fas de Trandeiras, no concello de Xinzo de Limia. Aqu\u00ed, os outeiros \u00e9nchense de carballos, e a agr\u00edcola terra da Limia faise bosque. A igrexa do mosteiro de Trandeiras, fundado no XVI, cons\u00e9rvase en bo estado, pero o claustro e o corpo do mosteiro son ru\u00ednas que a vexetaci\u00f3n converte nun encantador espazo abandonado, sobre o que medra a edra e \u00e1rbores bravas. Este mosteiro constru\u00eduse sobre o lugar no que estaba encantado o ex\u00e9rcito do Rei Arturo, segundo o seu antigo manuscrito fundacional<\/a>. Durante a Revoluci\u00f3n Francesa, seica, acolleu aos cregos franceses fuxidos do furor vindicativo. Ao sabelo, lembro o pouco que se ten escrito e contado das incr\u00edbeis intrahistorias dos mosteiros galegos. Historias que est\u00e1n a\u00ed, nos libros de f\u00e1brica que se gardan nos arcebispados. Hoxe, est\u00e1 cheo de silencio e paxaros.<\/p>\n

Localizaci\u00f3n no interior do post.<\/p>\n


\n