{"id":28868,"date":"2016-04-25T08:26:14","date_gmt":"2016-04-25T06:26:14","guid":{"rendered":"http:\/\/www.manuelgago.org\/blog\/?p=28868"},"modified":"2016-04-25T10:08:31","modified_gmt":"2016-04-25T08:08:31","slug":"galicia-100-un-gran-proxecto-para-contar-a-cultura-galega","status":"publish","type":"post","link":"https:\/\/www.manuelgago.org\/blog\/2016\/04\/25\/galicia-100-un-gran-proxecto-para-contar-a-cultura-galega\/","title":{"rendered":"Galicia 100: un gran proxecto para contar a cultura galega"},"content":{"rendered":"

Hai dous anos que desde o Consello da Cultura Galega comezamos a constru\u00edr este gran proxecto que agora comezamos a difundir. Galicia 100. Obxectos para contar unha cultura<\/em> \u00e9 un enorme proxecto de divulgaci\u00f3n cultural que busca contar Galicia e a s\u00faa cultura a partir de cen obxectos do noso pasado, desde o Paleol\u00edtico Inferior ata os anos 90 do s\u00e9culo XX. 100 obxectos escollidos como un exercicio de di\u00e1logo co noso pasado, nos que coexisten vizosas e grandes xoias con humildes pezas etnogr\u00e1ficas, obxectos ‘fetiche’ vinculados a momentos hist\u00f3ricos moi concretos con outros dunha dilatada presenza, uso e funci\u00f3n. A clave \u00e9 a capacidade de di\u00e1logo deses obxectos connosco e ‘entre eles’, como unha maneira de facernos pensar sobre a nosa herdanza cultural pero tam\u00e9n sobre como nos axudan estes obxectos do pasado a interpretar o presente desde a s\u00faa distancia de s\u00e9culos. <\/p>\n

Galicia 100 nace no ronsel de importantes proxectos nomeadamente do mundo anglosax\u00f3n, como A History of the World in 100 objects<\/em>, do Museo Brit\u00e1nico, Ireland in 100 objects<\/em>, promovido polo Goberno irland\u00e9s e redactado por Fintan O’Toole ou 101 Objects that made America<\/em>, promovido nos Estados Unidos polo Smithsonian Institute. A gran diferencia entre estes pa\u00edses \u00e9 o noso \u00e9 a existencia en todos eles dun Museo Nacional que no seu momento creou un imaxinario moble, un imaxinario dos grandes e pequenos obxectos; en Galicia ese imaxinario a penas existe (si en cambio haino do patrimonio inmoble) e ese foi un dos aspectos m\u00e1is interesantes nos que traballar. Neste sentido, como comisario do proxecto, non te\u00f1o m\u00e1is que palabras de agradecemento para o Consello Asesor de expertos, encabezado por Ram\u00f3n Villares, para os meus compa\u00f1eiros de traballo no CCG e para Roc\u00edo Figueroa, a coordinadora, por todo o traballo e ilusi\u00f3n que botaron nesta idea, as\u00ed como ao dese\u00f1ador da mostra, Pepe Barro. <\/p>\n

Galicia 100 \u00e9 e ser\u00e1 moit\u00edsimas cousas. En colaboraci\u00f3n con Afundaci\u00f3n, o 10 de maio inauguraremos na r\u00faa do Vilar, na sede desa entidade, unha importante exposici\u00f3n que conter\u00e1 boa parte das pezas seleccionadas (algunhas, debido \u00e1 s\u00faa fraxilidade e volume non se puideron traer) que logo itinerar\u00e1 \u00e1 Coru\u00f1a e Vigo. \u00c9 un ambicioso cat\u00e1logo que vos sorprender\u00e1, dun marcado ton divulgativo, con informaci\u00f3n sobre cada unha das pezas. \u00c9 todo un proxecto dixital interactivo asociado, cunha app con toda a informaci\u00f3n e un modo ‘visita guiada \u00e1 expo’, unha web e varios desenvolvementos t\u00e9cnicos importantes, como recreaci\u00f3ns 3D de varios dos obxectos, dos que obtuvimos unha copia detallad\u00edsima para o futuro e para a s\u00faa divulgaci\u00f3n, e estes marabillosos v\u00eddeos cos que queremos contarvos que \u00e9 para n\u00f3s Galicia 100. Neles, a xente de I DO visual, dirixida por Fran X. Rodr\u00edguez, transmitiu o que n\u00f3s pediamos: como en Galicia 100<\/em> os obxectos cobran vida. Neste caso, o sartego de Fern\u00e1n P\u00e9rez de Andrade. <\/p>\n