{"id":28356,"date":"2015-12-03T00:20:19","date_gmt":"2015-12-02T22:20:19","guid":{"rendered":"http:\/\/www.manuelgago.org\/blog\/?p=28356"},"modified":"2015-12-03T00:24:12","modified_gmt":"2015-12-02T22:24:12","slug":"tolos-pola-fotogrametria-3d","status":"publish","type":"post","link":"https:\/\/www.manuelgago.org\/blog\/2015\/12\/03\/tolos-pola-fotogrametria-3d\/","title":{"rendered":"Tolos pola fotogrametr\u00eda 3D"},"content":{"rendered":"

Os avances dos \u00faltimos anos en fotogrametr\u00eda 3D son espectaculares. Aqu\u00ed hai moit\u00edsimo e moi interesante por probar e comprobar, en campos moi diversos, como pode ser o do patrimonio cultural ou o arqueol\u00f3xico, onde est\u00e1 a ser unha revoluci\u00f3n \u00e1 hora de traballar malia que a\u00ednda non se trasladou demasiado ao gran p\u00fablico. Ata agora, esta fotogrametr\u00eda 3D \u00e9 esencialmente descritiva e documental pero temos un campo magn\u00edfico para experimentar con narrativas dixitais, con formas de explicar. Este campo, adme\u00e1is, combina excelente software privativo con outras aplicaci\u00f3ns open source<\/em> que poden substitu\u00edr a opci\u00f3n privativa sen problema ning\u00fan. <\/p>\n

Estou mergullado nun proceso de aprendizaxe das t\u00e9cnicas fotogram\u00e9tricas, explorando as s\u00faas posibilidades narrativas. Por agora v\u00e9xoas como un excelente complemento a outras t\u00e9cnicas, como a fotograf\u00eda e o v\u00eddeo, e non dubido de que no futuro, se seguen avanzando deste xeito as tecnolox\u00edas, a fotogrametr\u00eda empregarase en medios de comunicaci\u00f3n. A mi\u00f1a pretensi\u00f3n \u00e9 avanzar na exploraci\u00f3n deste campo, e considerar xa \u00e1 fotogrametr\u00eda como unha t\u00e9cnica que permite contar algunhas historias mellor, a\u00ednda que non outras. <\/p>\n

Polo de agora quero presentarte a mi\u00f1a canle de Sketchfab<\/a>, complementaria sen d\u00fabida da mi\u00f1a canle de Youtube. Obviamente, este \u00e9 un proceso de aprendizaxe en aberto e colaborativo. Hai cousas que me van sa\u00edndo mellor e outras peor. O que fago \u00e9 aproveitar algunha viaxe para obter rapidamente un bosquexo en 3D, as\u00ed que non lle podo dedicar o tempo que lle dedica un profesional. Pero precisamente por iso, porque son “rascu\u00f1os”, poderedes apreciar a s\u00faa calidade. <\/p>\n

Aqu\u00ed vai unha selecci\u00f3n da mi\u00f1a canle, ata agora especialmente volcada cara os p\u00f3rticos rom\u00e1nicos ou g\u00f3ticos, que te permiten explorar algunhas marabillas figurativas feitas polos nosos canteiros. <\/p>\n