No web da Facultade de Historia de Vigo (campus Ourense):
AQVATempo é un conxunto de textos e imaxes, que percorren a relación entre o home a auga a través dos tempos, e que amosan as posibilidades de diálogo entre a Historia, a Arte e a Xeografía e o Campus da Auga.
Ao tempo, estudantes do Máster de Libro Ilustrado e Animación, da Facultade de Belas Artes, investigan as posibilidades de colaboración na creación de contidos audiovisuais no ámbito das Artes e as Humanidades, a través das súas ilustracións.
No 2014 a Facultade de Historia súmase ao Máster en Valoración, Xestión e Protección do Patrimonio Cultural e ao Programa de Doutoramento en Protección do Patrimonio. AQVATempos supón un experimento no ámbito das novas estratexias aplicadas á difusión do mesmo, e permite visualizar as posibilidades de transferencia de coñecemento.
AQVATempos distribúese en acceso aberto, baixo unha licencia de Creative Commons.
Be First to Comment