Onte fiquei moi feliz tras que un antigo alumno meu contactara para contarme o seu novo proxecto de emprendemento. Con outros socios, hai tres anos Joel Bucio abriu unha empresa de contido dixital chamada Manuvo, con sedes en Vancouver e México DF. Están dedicados á creación de contido dixital e interactivo de altura, especialmente para tablets. Vailles moi ben, e nos vindeiros meses emprenderán un fascinante proxecto vinculado a contidos culturais interactivos sobre o fascinante pasado arqueolóxico de México.
En Manuvo, entre outros traballos, xa teñen dous proxectos moi interesantes sobre lectura electrónica. Neles versionan dixitalmente, a través de lecturas de importantes persoeiros da cultura mexicana actual, poemas de xigantes como Octavio Paz ou José Gorostiza. De feito, as apps, para iPad, editadas polo Consello Nacional da Cultura e das Artes de México, son gratuítas e de libre descarga, e altamente recomendables. Blanco, de Octavio Paz, recrea o que imaxinou o propio Paz para o seu poema: “una sucesión de signos sobre una página única; a medida que avanza la lectura, la página se desdobla: un espacio que en su movimento deja aparecer el texto y que en cierto modo, lo produce”. [Aquí está a descarga]. Muerte sin fin, de José María Gorostiza, explora o papel da lectura colectiva [descarga].
Compañeiro, mestre e amigo. Moitas grazas pola difusión e os comentarios tan bos que nos regalas. Grazas por achegarte ao noso traballo, como nós estamos pendentes do teu. Un saúdo dende terras purhépechas.
Por cierto. Yo no fundé la empresa, me acoplé a ella.