Amazon Windowshop é un novo experimento lanzado pola compañía de Jeff Bezos co obxectivo de probar novas interfaces de compra. Trátase dunha busca visual, a través da que te desprazas co cursos, que permite previsualizar todo tipo de produtos culturais: videoxogos, música, libros, audiolibros…O resultado é sempre a visualización e escoita dun arquivo visual, ben sexa un vídeo, ben sexa un audio lido por unha voz sintetizada (no caso dos libros), dispostos de maneira secuencial. En Read/Write Web xa falan do 2008 coma o ano da navegación visual, co xurdimento de múltiples servizos web de resultados organizados deste tempo.
Non sei como fai vostede para estar enterado de todas estas extraordinarias novidades. O agradecemento por isto é inmenso.
Grazas, arume. Buscar novos formatos electrónicos é parte do meu traballo, así que non ten moito mérito engadido. :-)