As entradas aos blogs a través dos buscadores son un numerosísimo porcentaxe do tráfico total dun sitio: Google, nomeadamente, parece privilexiar ou posicionar moi ben as palabras dos blogs nos resultados de busca. Este buscador chama ás buscas dos usuarios o Zeitgeist, o espírito, e é como un ente colectivo que demanda continuamente información e no que se compilan as preocupacións concretas do mundo: unha gran metáfora da globalización. Eu recoñezo que estou afeccionado ás buscas polas que os usuarios aterran ao Capítulo 0, e marabillado de que ás veces, a combinatoria de Google traia, de xeito absurdo, á xente ata aquí e de que xeito. Hai un certo número de xente que me googlea a min persoalmente, ou que chegan na busca do Guerreiro do Antifaz, pero despois está toda unha tropa máis ou menos despistada á que Google ofrece a miña pista de aterraxe privada para solucionar determinados…problemas. Aquí vai unha pequena escolma que renovarei de cando en vez:
fotos de las damas de la revolucion industrial
el capitulo que diego se cae a la piscina el video
conquistar a una mujer divorciada
ella es tan lina ella es tan freak
como estan construidos los termos
novelas pornograficas en pdf para descargar gratis
casas baratas para restaurar en galicia
Comparto o hobby dende que comecei o difunto blog (en paz descanse).
De feito, vou gardando as googladas máis logradas.
Top 4: “O carallo 29”
Top 3: “Drogada cogiendo fotos”
Top 2: “Como salvar a un gato en una tubería”
Top 1: “REPRESENTANTE DEL HEAVY METAL LLEGA EN SU HARLEY DAVINSON Y MATA AL DRAGON” (así, en maiúsculas)
Agora, hai que recoñecer que as túas son dificilmente superables. Mira que en Google son bós e nunca minten, eu comezaría a preocuparme xD
“Google: no tiene la culpa el indio mauricio”