OBosque Vivo é un interesante proxecto realizado en Castela-León coa técnica do vídeo interactivo. Valéndose dun axente forestal, o web explica a relevancia do sector na comunidade autónoma e as súas dificultades. É unha curiosa combinación de recursos multimedia cunha clara finalidade didáctica. Gústame moito a execución gráfica da interface da esquerda. Para tomar nota por aquí. O proxecto está financiado pola Junta de Castilla y León e desenvolvido pola Fundación Cesefor e Profor.
Unha auténtica marabilla, un ensaio visual magnífico ao redor do concepto da vida que nace. É do realizador xaponés Daihei Shibata con música de Debussy. Dedícalle os cinco minutos que merece. (vía)
Publicouno o diario sueco Svenska Dagbladet e titúlase How did Europe vote in last’s years Eurovision Song Contest (Como votou Europa nos últimos anos do concurso de Eurovisión). O gráfico resolve estupendamente a ‘teoría da conspiración’ dos votos entre países: obsérvase claramente que os países do Leste votan aos países do Leste, e o mesmo acontece co Oeste.
Heavy Rain é unha superprodución interactiva francesa que nos mergulla, apostando pola narrativa máis elaborada, no perfeccionamento dos videoxogos como un novo modelo de narración de historias. Se mirades os vídeos, veredes que ten unha pintaza. Aquí hai algo de gameplay.
OTime Explorer é unha nova aplicación web do British Museum destinada a crear un entorno lúdico ao redor de épocas históricas para os nenos. Deseñado coidadosamente en perspectiva isométrica, os xogadores deben solventar fases históricas centradas na obtención de obxectos e pezas da época. Inspirador.
Este é un traballo de tese de Julia Tsao. Os Curious Displays se coordinan para facer múltiples funcións, transmitir mensaxes, visualizar vídeos, crear puntos de luz. É un concepto, unha idea, pero bendita imaxinación:
Curious Displays is a product proposal for a new platform for display technology. Instead of a fixed form factor screen, the display surface is instead broken up into hundreds of ½ inch display blocks. Each block operates independently as a self-contained unit, and has full mobility, allowing movement across any physical surface. The blocks operate independently of one another, but are aware of the position and role relative to the rest of the system. With this awareness, the blocks are able to coordinate with the other blocks to reconfigure their positioning to form larger display surfaces and forms depending on purpose and function. In this way, the blocks become a physical embodiment of digital media, and act as a vehicle for the physical manifestation of what typically exists only in the virtual space of the screen.
Xa concebimos perfectamente os clústers de robots. Dentro de pouco se comercializarán, seguro.
Manuel Gago é xornalista e profesor universitario. 
