Medios

Os Google Labs presentaron un experimento de narrativa dixital en colaboración co New York Times e o Washington Post. A filosofía é simplificar o acceso á información dos grandes eventos a partir dunha serie de ferramentas e disposicións de información que concentran recursos informativos nunha páxina, incluíndo unha liña de tempo, filtros que organizan información por relevancia, etc. Este é un exemplo coa Guerra de Afganistan.

{ 2 comments }

Concepto de tablet que están deseñando a xente de OLPC para a súa distribución en países do Terceiro Mundo (máis información)

Teño a impresión de que no 2010-2011 os tablets PC, esa tecnoloxía na que moito tivo investido Microsoft e outras compañías no seu momento e que nunca chegou a callar no consumidor, volverán con moita forza. As novas pantallas multitáctiles, cun consumo enerxético reducido e un nivel de contraste moi decente, poderían crear novos dispositivos que porían en dificultades a emerxencia dos libros electrónicos mesmo antes de triunfar no mercado. Polo de agora son conceptos, por suposto, pero ao mellor a finas de 2010, veremos as presentacións dun novo tipo de tablets, de pantalla completa, ideais para a visualización de contidos.

Concepto de Tablet para ver revistas (Bonnier)

Aínda que, como di Juan Varela, estes tablets non solucionan o problema de encaixe das revistas en Internet, que precisan de novas narrativas, non de facsímiles dixitais. (vía)

O fake do agardado Tablet PC de Apple

Parece ser que é trola, pero tamén a idea está aí detrás. Os rumores de que Apple lanzará un novo dispositivo en este estilo, polo demáis, son ben coherentes. Apple ten unha excelente tenda en liña, iTunes, e sería raro que quixera perderse o carro do libro electrónico. A editorial é a última das grandes industrias culturais que aínda non entrou plenamente no carro da dixitalización.

{ 1 comment }

Estes dous vídeos do New York Times amosan a evolución da audiencia do sitio do New York Times ao longo dun sitio de información diaria, na que converxen os diferentes husos diarios cos usos do sitio web polos seus visitantes. ¡Que pouco investigada temos desde a universidade a audiencia dos cibermedios alén das súas cifras básicas!

Audiencia nos Estados Unidos:

Audiencia internacional:

{ 3 comments }