Robert G. Picard e o valor como clave do futuro dos medios

Last updated on 10 / Xuño/ 2012

Robert G. Picard é un prestixioso académico estadounidense con capacidade de ser escoitado pola industria da comunicación; desde o seu posto como director do Instituto Reuters, en Oxford, desenvolve investigacións sobre o futuro da industria do xornalismo e a súa crise. A clave da tese de Picard sobre a crise dos medios e a súa supervivencia no futuro están en diseccionar “why large number of consumers are willing to pay for entertainment but not news and why many do not use news even when it is provided free or at a low price”. Estas citas proveñen do seu interesante libriño Value creation and the future of news organizations.

Para Picard, o eixo central é a perda de valor da información xornalística como produto comercializable. Iso explica como, malia as indubidables melloras técnicas dos últimos anos -medios mellor deseñados, máis canles de distribución, mellores tecnoloxías-, o consumo de información continúa a caer. En parte, o motivo está en que “the contemporary history of news organizations has primarily involved value destruction. Changes in media, technology and audience and advertiser behavior have destroyed value for most media companies and news organizations”; a cerna dos procesos erosivos da confianza e do consumo dos medios está na propia reconfiguración da industria nos últimos anos. A confrontación entre os novos modelos económicos noutros ámbitos da macroindustria dos contidos e o aillacionismo dos grupos de comunicación, reacios a establecer estratexias de cooperación con axentes complementarios, provoca tamén parte do problema.

“Companies reduce budgets, discard personnel, and eliminate activities to demonstrate to investors that they have identified and eliminated waste and that they have the will to change rapidly”, explica Picard, “but these practices are only effective if they are accompanied by strategy-diven reorganization an reconfiguration that produces new value”. Sen embargo, para Picard, o valor non vén determinado pola empresa senón polo consumidor e, en certo xeito, polos stakeholders, o público implicado no produto.

Como transformar a cadea de valor dos medios? Pois mañá sábado nolo contará, a partir das 10 da mañá, nunha xornada de análise no Consello da Cultura Galega de acceso público e de balde. Eu terei o pracer de axudar ao doutor Picard a comunicarse co público galego e fomentar a conversa. Tamén poderás seguila via streaming no web do Consello da Cultura Galega.