Margarita Madrigal, Gonzalo Rodríguez, e Alexandra Schmedes fundaron no ano 1998 as adegas Ercavio, en Dos Barrios (provincia de Toledo), aínda que a adega actual está en Cabañas de Yepes. O outro día probei no Curro da Parra o Ercavio Tempranillo Roble, e fiquei ben sorprendido. Velaquí que temos un viño dunha forte personalidade, moi saboroso, que se fai doado de beber malia as corpulencias que ás veces acadan os viños da Mancha. Os cinco ou seis meses de madeira que ten axúdanlle a crear notas un pouco máis complexas. Pero o máis sorprendente é a súa impresionante relación calidade-prezo: anda entre os 6,50 e os 7 euros. Para ese prezo é un auténtico viñazo.