Last updated on 23 / Xullo/ 2010
Preséntovos unha entrevista en vídeo moi especial. Falamos co catedrático da USC Xavier Castro sobre o seu último libro: A rosa do viño (Galaxia, 2010). Xavier mergúllase na cultura do viño en Galicia: nos seus rituais, na práctica do beber, no gusto popular e nos instrumentos para desfrutalo e a súa evolución ao longo da Historia de Galicia. A rosa do viño é unha pequena xoia.
Pero nesta entrevista (12 minutos), pedinlle a Xavier Castro que nos dera un curso acelerado de cata popular. Creo que non hai un único xeito de contar e describir os viños, e Xavier rescatou termos, conceptos e mesmo probas prácticas que na sociedade tradicional permitían describir a calidade dun bo viño -que seguía criterios distintos aos actuais. Xa sei que en Internet todos temos clickite compulsiva, pero paga a pena velo ata o final e ver como se produce a maxia do viño.
P.D. Quero agradecer ao Lar das Meigas a cesión do espazo para a gravación da entrevista.
Excelente entrevista, tanto bo o entrevistado como o entrevistador. Unha critica constructiva: mellora o son, porque salvo no sorprendente final, no resto da entrevista, costa moito enterarse do diálogo.
E sobro os ditos galegos, recordar o que decia o difuntiño do meu tio Pepe, rapas, este tinto é de homes.
Grazas, Álvarez. Ben sei -e xa o digo eu tamén no post- que o audio é un problema grande. Unha mágoa. O audio sempre é un problema cando traballas con cámaras de menos de 1000 euros. :-)
A solución mellor é tomar o audio directamente do entrevistado con outro gravador, pero iso implica máis traballo de edición (sincronización posterior). Teño que definir un workflow decente que me permita compatibilizar a sinxeleza dunha compacta coa capacidade de resposta ante tonos de voz moi baixos e ecos moi grandes.
A ver se o imos mellorando.
ánimo porque, tendo en conta as limitacións, o traballo é moi bo. Esperamos próximos grolos con tan bo pouso.