Guillermo II con Vigo ao fondo
A escuadra alemana saíndo da ría
Afonso XIII e Guillermo II
Estas fotos seguro que farán as delicias dun distinguido lector deste blog, do conde Herr Graf Ferdinand Von Galitzien, o aristócrata silente teutón que ten un dos blogs máis orixinais que coñezo: sobre críticas de cinema mudo, escritas como desde a época.
O que ves é ao emperador alemán Guillermo II (1859 – 1941) dándose un paseíño pola ría de Vigo en 1904 coa súa escuadra naval (ver galería completa). As fotos pertencen ao arquivo persoal do emperador, que se garda no pazo de Huis Doorn e que agora se dixitalizou. A galería fotográfica relata un encontro mariño entre Guillermo II e Afonso XIII: polas fotos, parece que os dous están a xogar a Afundir a Flota. Pero se cadra estaban a procurar o tesouro de Rande. De aquela, o libro 20.000 leguas de viaxe submariña de Xulio Verne xa era un bestseller mundial.
(vía)
Manuel Gago é xornalista e profesor universitario. 
{ 1 comment… read it below or add one }
MEIN GOTT!!!…
Ah, que boas lembranzas garda éste Herr Von desa viaxe marítima polo ría de Vigo de fai xa algúns anos… unha iniciática viaxe xermánico-marítima, ja wohl! e que influíu de xeito notorio á este Herr Graf, nomeadamente, no seu escudo heráldico e non pense vostede que foi doado convencer ós antepasados ( sobretodo ó mortos ) encol de alterar os sonoros e orixinais apelidos teutóns deste aristócrata xermánico…
Por certo, outro evidente signo de distinción aristocrática e que os teutóns gostan navegar polos mares en buques aparentes ( unha boa fragata, un rexo acoirazado ou mesmo un submarino xermánico pra contemplar, sen quitarse nunca o casco Prusiano, as vistas submarinas ) nada que ver con esas embarcacións tan ordinarias e que tanto gostan ós novos ricos.
Herr Graf Ferdinand Von Galitzien