Xa estou en Loxa, ao sur de Ecuador, a unhas tres horas da fronteira peruana. A cidade e o aeroporto, encaixados en cadanseu val, separados por corenta minutos de serpeante estrada polo medio dos Andes. Os Andes. Despegar de Quito bríndanos imaxes como esta: o volcán Cotopaxi, o Pescozo da Lúa, o volcán en activo máis alto do Ecuador, que case acada os 6000 metros de altura. Non teño tempo para escribir (a ver se hoxe pola noite), pero hoxe estiven visitando a Universidad Técnica Particular de Loxa, un proxecto interesantísimo do que falarei dentro duns días. Por agora, fiquemos por esta imaxe desde a fiestra do meu hotel: esta é a tranquila cidade de Loxa.
Hoxe pola tarde teño un obradoiro na UTPL (ver entrevista) coa xente de comunicación. E todo se está a preparar para o Barcamp 09 que se vai celebrar mañá na cidade. Un encontro de amantes de blogs, cíbermundos e tecnoloxía que promete moito. Aquí tedes o programa.
Be First to Comment