A costa do noso país está inzada de pequenos illotes pedrugallentos chamados Lobeiras. Son as trazas na memoria toponímica -para min a toponimia é o ADN das culturas- dos hábitats de repouso nos que hai séculos, multitude de mamíferos mariños tomaban o sol. Por iso, cando Sole me ensinou estas fermosas fotos que sacou na súa visita hai tres días á Illa de Lobos, en Punta del Este (Uruguai), coa súa accidentada costa granítica tan parecida á nosa, imaxineime o que sería andar á dorna pola Arousa, ou nun baixel chegando a Fisterra, rodeado destes curiosos mamíferos mariños. Non seria unha imaxe nada diferente a esta. Pódense ver máis fotos aquí e un vídeo aquí embaixo.