Óscar Rodil e Carmela Sánchez Carreira editan A mercantilización e a regulación do coñecemento, un valioso volume recén editado pola USC que recompila as participacións no curso de verán do mesmo nome celebrado o ano pasado. O resultado final é un libro que, segundo os editores:
(…) achega análises e reflexións sobre cara a que modelo de sociedade da información e coñecemento camiñamos, prestando especial atención á controversia existente no ámbito da regulación do peculiar mercado de bens inmateriais.
Textos sobre Coñecemento e mercado, a Regulación do Coñecemento e o Coñecemento na Sociedade da Información ofrecen un status quo sobre os problemas derivados da irrupción da dixitalización no mercado dos bens inmateriais e no seu marco legal de dereitos. Pola miña banda, eu achego a participación “Novas cadeas de valor nos cibermedios”, onde detéñome no concepto de información commodity (información “materia prima”, replicada por múltiples fontes en diferentes soportes, similar en todos os sitios) que está a reducir o valor diferencial das edicións dos medios e onde estes atopan ou poden atopar novos elementos para subir de novo o valor das súas edicións.
Be First to Comment