Este artista chámase Swoon e vive en Brooklyn. A súa especialidade: estas raras e chamativas balsas feitas con todo tipo de reciclaxes, “porcións de terra tiradas ao mar”, así as descrebe. O seu último proxecto é montar no seu interior un auténtico Gabinete das Marabillas, eses museos domésticos tan do gusto do XVI ou XVII que contiñan rarezas traídas das colonias. Agora, en maio, emprenderá un proxecto novo: Swimming Cities of Serenissima, seguindo a costa adriática desde Venecia ata os Balcáns e almacenando no Gabinete do centro da balsa as curiosidades para formar un novo gabinete. (vía)