Non é a fin do triste episodio, desde logo. O remate será coa sentencia dos tribunais. Toñi Vicente pechou o seu emblemático restaurante compostelano con discreción, como adiantou Colineta.
Quen sabe canto tempo había que o tiña decidido. Esas paredes da sala gardan un bo número de acordos políticos e económicos da historia autonómica deste país, pero nos últimos anos, antes do problema das vieiras, o restaurante xa non funcionaba tan ben como debera e os prezos dos menús estaban moi por riba do resto do resto da oferta compostelana de alta restauración. Ao pechar Toñi Vicente, pérdese unha importante referencia da nosa historia recente e un importante episodio da modernización da gastronomía galega, que esta muller levou adiante ao principio case en solitario. Hai rumores, pero non se sabe publicamente cal será o futuro profesional de Toñi Vicente. Se cadra haxa que esperar ata que os tribunais escriban a final do capítulo.
Da moita tristeza. A Voz pode estar contenta, porque cando o das vieiras, cebouse cal soe.