A exposición Brought to Light Photography and the Invisible, 1840-1900, que se expón no San Francisco’s Museum of Modern Art, conta unha historia fascinante: a do xurdimento e popularización dos raios X no século XIX. Os raios X revelaron, de súpeto, un fascinante mundo oculto e xunto cos seus usos médicos ou científicos non faltaron os que se dedicaron a explorar con curiosidade ese universo cálcico e de vísceras. E moitos se aplicaron en pasar pola máquina todo canto bicho se atopaban ou, no caso dos ricos e poderosos, en retratarse internamente, como esa man que ves na foto: a da esposa de Nicolas II, o último zar de Rusia. Cóntano (con fotos) en Wired.