Legends Telegraph é un curioso sitio divulgativo de Nokia para amosar cales serán os seus próximos retos tecnolóxicos, un pouco na dinámica dos posts do Google Blog dos que falamos o outro día. Usando un émulo en flash para reproducir un antigo xornal en formato saba dos anos 40 con vídeos incrustados, Nokia presenta as seguintes innovacións reais que veremos nos seus terminais nos vindeiros dous ou tres anos (moitas delas xa están desenvolvidas ou nun grao avanzado de desenvolvemento, e que serán:

a) A localización interior. Triangulando a posición do usuario, os terminais usarán o wifi para determinar en que punto do edificio se atopa un usuario (típica aplicación para museos, é dicir, para centros comerciais ).
b) Melloras na localización exterior vía GPS.
c) Tráfico en tempo real
d) Conexión cos outros dispositivos domésticos (mando a distancia)
e) Uso do móbil como sistema de pagamento.
f) Xornalismo móbil
g) O Multiscanner : o móbil escanea textos e é quen de traducilos, por exemplo.