Pois todos os sábados, de 13 a 14h., directamente co vermú, na Radio Galega poderás escoitar Come e Fala, un programa de gastronomía con noticias, curiosidades, entrevistas, recomendacións, propostas, historia culinaria, cinema gastronómico… O programa diríxeo o xornalista Iván Piñeiro e nel colaboraremos Xavier Castro, catedrático da USC e, sen dúbida, un dos mellores ensaístas gastronómicos deste país e máis eu, que estarei de tertuliano, traendo cousas frescas que atope por aí á conversa. Eu participarei unha de cada dúas emisións -as fins de semana hai que descansar algo, cando menos!-. En canto teña a ligazón para escoitar en diferido os programas tamén a colgarei aquí. Quedades convidados e convidadas a escoitarnos!