Lizz Wright en estado puro: The Orchard

O novo disco de Lizz Wright, The Orchard (A Horta), está construído con don dúas materias: a memoria e o vento do Sur. A memoria porque a horta é un recordo familiar, onde a súa familia cultivaba os vexetais da casa. E o vento do sur, feito instrumentación e sons. Esta cantante do estado de Georgia, no sur dos Estados Unidos, presenta neste novo disco un son envolvente, marabilloso, de ritmos case hipnótico; está o jazz, o soul, o folk e unha orquestración sostida, en primeira instancia, na súa sedosa, profunda, sedutora voz. Un disco estupendo para pinchar nos seráns dos días quentes que xa han chegar despois destas chuvias: conségueo porque paga a pena; acabo de escoitalo e aínda estou emocionado. Para avanzar, unha pérola preciosa: My Heart.