Expertos reivindican a paisaxe cultural do viño como motor da economía rural

Marzo 17th, 2008 · Esperando pola túa opinión

O Canón do Sil desde os viñedos de Algueira

“Turismo e viño”, afirma o profesor de Xeografía da USC Xosé Manuel Santos, “basean gran parte da súa importancia na singularidade dun territorio”. Este punto en común entre lecer, consumo e agricultura sitúa ás rexións vinícolas como un importante lugar para ensaiar fórmulas de preservación e evolución da cultura, da paisaxe e da natureza. Conversamos con expertos europeos na paisaxe do viño entre os socalcos da Ribeira Sacra para coñecer que futuro lle pode esperar á paisaxe do viño e á cultura das zonas rurais.