Animación da vindeira alunizaxe
O Programa Constellation da NASA está a desenvolver o futuro da exploración humana fóra da orbita terrestre. As claves do programa, segundo o administrador da axencia espacial norteamericana, Mike Griffin, é a consolidación da Estación Espacial Internacional e o regreso á Lúa, como preparación para as exploracións humanas a Marte. Os novos vehículos de transporte espacial estarán orientados cara esa función de desprazamento humano. Pero o novo trailer da NASA parécese máis a unha película de ciencia ficción e mestura os obxectivos científicos coa narrativa audiovisual de acción. Son os esforzos divulgadores que debe facer unha axencia de elevado orzamento -sempre ameazada polos recortes económicos- por manter un certo índice de popularidade entre os contribuíntes. Aquí vai o trailer do novo regreso á Lúa:
Manuel Gago é xornalista e profesor universitario. 
{ 0 comments… engade o teu agora }
Deixa un comentario