Esta é a desfeita que fixo un particular no parapeto do Castro de Punta Ostreira, na Pobra do Caramiñal (A Coruña). O muro da esquerda era o muro que pechaba a finca do mosteiro de Santo Antonio do Xobre. O edificio en ruínas que vedes na zona superior é unha antiga capela vinculada ao mosteiro, construída sobre o antigo parapeto -posiblemente para funcionar como referencia para os barcos que entraban na abra do Caramiñal e para os pescadores. A fenda que vedes no medio foi o paso que o propietario da finca abriu, destrozando esta muralla de dous mil anos de antigüidade, hai poucos anos (menos de cinco, creo) para poder acceder á croa do castro. Este poboado dos nosos devanceiros, como vos podedes imaxinar, está destrozado.
Pois nada, home, aquí seguimos.
pero ise home non se decata da desfeita que fixo, magoa que inda a xente pense asi…intereses por riba da cultura…magoa :(
¿Pero aínda quedaba algo?
Como ben dixo Shin-Chan, ese gran pensador: “É o que hai”.
E asi nos vai…
¿onde estan os gardians da cultura? ¿Enterrados na cidade da idem?
Seguro que dentro de dous mil anos, un insensible faga o mesmo co mausoleo do monte Gaias
O terrible é que houbo sentencias, pero todo seguiu así…a última que lembro, polo menos de hai tres anos, foi do TSXG, que obrigaba ao propietario a restituir o mal feito…
O peor non son as autoridades. O peor é que á xente lle dá igual. As desfeitas que se fixeron neste xacemento ao longo dunha década, e o pasotismo dos veciños, eu creo que ten poucos sitios de comparación no resto de Galicia. E mira que hai onde comparar e que eu son desa vila…
Temos o que nos merecemos???????????
para protexer, primeiro hai que coñecer.
Olá tenho interesse em contactar contigo. Sou membro da Embaixada Galega da Cultura em Madrid e estamos a desenvolver um projecto para denunciar, da maneira mais eficaz, estas desfeitas contra o nosso patrimonio, com o objeto de que haja uma resposta ajeitada do ponto de vista legal e de cara a povoação. Nós também temos registrado abusos mesmo perto da Povoa do Brolhom.
Obrigado.
T.
irmandinho, cando queiras. O meu correo é magago@gmail.com e o meu skype é magago. Estou moi interesado en coñecer ese proxecto.
como di Manuel Certal, non se pode protexer nin respectar, nin valorar o que non se coñece, e por desgraza o noso Patrimonio Arqueolóxico, Natural, Etnográfico… está tan denostado que non sei eu como aínda hai tanto en pe! mirade á lingua como lle vai á pobriña…
“pa mexar e non botar gota”!
E esa sentencia de restitución… cómo se vai restituír!? poderase amañar e simular, pero restituír?? vai ser que non, pero ao menos algo é algo, haberá que se conformar!