Zarzalejos, director do ABC, enterra o modelo actual dos xornais en papel

O director do ABC é un veterano xornalista forxado desde mozo nas planas do diario centenario madrileño.

¿É o xornalismo dixital un xornalismo alternativo ao convencional? ¿É o xornalismo dixital unha actividade profesional diferente á do xornalismo escrito? ¿Condiciona o soporte de maneira total e irreversíbel a natureza sustantiva do exercicio profesional?

Os lectores diarios de cibermedios incrementouse desde o ano pasado. O xornalismo dixital é áxil, está medrando, pero é fráxil e aínda non chega aos centros de decisión. E é fráxil porque ten dúas materias pendentes: gañar credibilidade -non sempre nos cremos o que publican- e gañar financiamento transparente.

Os novos medios deben optar en que ámbito están. Se nun periodismo novo que xa non aplica as normas que temos por tal na profesión ou noutro que siga as normas precedentes. O xornalismo dixital é tan manipulábel coma calquera outro, senón máis. No libre acceso xorde, por unha banda, a democratización da información e, por outra banda, o arriscadísimo xornalismo cidadán. Aínda está na súa epiderme, pero pode levar a un xornalismo sen xornalistas. Isto é un fenómeno preocupante, porque o xornalismo é unha profesión constitucional, moi vinculada á actividade dun réxime democrático.

O sector da prensa está nunha avanzada madurez e non se esperan evolucións notábeis. Os medios en papel deben deixar de facer xornalismo coma se a rede, a televisión ou a radio non existiran. Os medios en papel poden cambiar se adelgazan a súa complexidade, se traballan nunha axenda prospectiva, se fai unha gran transformación editorial e empresarial. Se se producen eses cambios, o periodismo de papel terá un novo futuro, dirixido a minorías cualificadas con alto poder adquisitivo. Tendemos á especialización, pero tamén á complementariedade. Hai que superar a prepotencia anterior dos medios, cando os periódicos se dirixían a un mercado e non á sociedade.
O xornal debe discriminar entre influír e mandar.

Sexa cal sexa o soporte, temos unha responsabilidade sen a cal, nun réxime democrático, a sociedade sentiríase orfa.